İşçiləri daşıyan avtobuslar toqquşdu; 12 nəfər xəsarət alıb - FOTOlar

Türkiyənin Adana vilayətində kənd təsərrüfatı işçilərini daşıyan iki avtobusun iştirakı ilə yol-nəqliyyat hadisəsi baş verib. Avtosfer.az yerli KİV-ə istindən xəbər verir ki, qəza Yüreğir rayonunda qeydə alınıb.

Məlumata görə, İbrahim A.-nın idarə etdiyi 80 LC 146 qeydiyyat nömrə nişanlı “İSUZU” markalı avtobus, qovşaqda Həşim S.-nin idarə etdiyi 01 AHN 44 qeydiyyat nişanlı eyni adlı avtobusla toqquşub. Zərbənin təsirindən İbrahim A.-nın idarə etdiyi nəqliyyat vasitəsi aşıb.

Qəza nəticəsində yaralanan 12 nəfər xəstəxanaya aparılıblar.

Faktla bağlı araşdırmalara başlanılıb.

Namiq Musayev