Sarayda “Mercedes” oğurlanıb

Bakının Abşeron rayonu ərazisində avtomobil oğurlanıb. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, hadisə Saray qəsəbəsində qeydə alınıb.

Məlumata görə, qəsəbə sakini A.Hüseynovun “Mercedes” markalı avtomobili qaçırılıb. Abşeron Rayon Polis İdarəsinin əməkdaşları avtomobil qaçıran şəxslərə qarşı əməliyyat keçiriblər.

Əməliyyat-axtarış tədbirləri nəticəsində iyunun 3-də avtomobili qaçırmaqda şübhəli bilinənlər - Bakı şəhər sakinləri T.Almazov və əvvəllər məhkum olunmuş Y.Nəcəfov saxlanılıblar.

Faktla bağlı araşdırma aparılır.

Namiq Musayev