“Kamaz”, “Dodge” və “Toyota”nın iştirakı ilə ağır yol qəzası; 3 nəfər öldü – FOTO + VİDEO

Rusiyanın Moskva əyalətində 3 nəqliyyat vasitəsinin iştirakı ilə zəncirvari yol qəzası baş verib. Avtosfer.az xəbər verir ki, hadisə mayın 12-də günorta saatlarında M-2 “Krım” avtomagistralının Çexov rayonu ərazisindən keçən hissəsində qeydə alınıb. Bu barədə “TASS” agentliyi məlumat yayıb.

Məlumata görə, eyni istiqamətdə hərəkətdə olan “Kamaz”, “Dodge” və “Toyota” markalı maşınlar toqquşub. Nəticədə 3 nəfər (2-si kişi, 1-i qadın) aldıqları xəsarətlərdən hadisə yerində dünyasını dəyişib.

Bildirilir ki, ölənlərin hər üçü “Dodge” markalı minik avtomobilində olanlardır.

Faktla bağlı araşdırmalara başlanılıb.

Namiq Musayev