Kolumbiyada qatar minik avtomobilinə çırpıldı: 4 nəfər öldü - FOTO

Kolumbiyanın şimalında qatarın və minik avtomobilinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident Maqdalena departamentinin Sıenaqa bələdiyyəsi ərazisində qeydə alınıb. Bu barədə ötən gün “El Tiempo” qəzeti məlumat yayıb.

Nəşrin məlumatına görə, içərisində 4 nəfərin olduğu avtomobilin sürücüsü, qatarın gəldiyini görməyərək dəmir yol keçidindən keçməyə çalışıb. Nəticədə toqquşma baş verib və nəqliyyat vasitəsində olan 4 nəfər aldıqları xəsarətlərdən hadisə yerində dünyalarını dəyişiblər.

Yerli icra orqanları tərəfindən araşdırmalara başlanılıb.

Namiq Musayev