Körpənin ölümünə səbəb olan sürücü hakim qarşısına çıxarılır

Qubada azyaşlının ölümü və bir neçə nəfərin xəsarət alması ilə nəticələnən yol-nəqliyyat hadisəsi törətməkdə təqsirləndirilən Elnur Qədirovun cinayət işi üzrə ibtidai istintaq başa çatıb.

Avtosfer.az “Report”-a istinadən xəbərinə görə, cinayət işi baxılması üçün Quba Rayon Məhkəməsinə göndərilib. Hakim İlqar Məmmədovun icraatında olan iş üzrə hazırlıq iclası fevralın 12-də keçirləcək.

Qeyd edək ki, hadisə ötən ilin noyabr ayında Qubanın İspik kəndi ərazisində baş verib.

"VAZ-2106" markalı minik avtomobili idarəetmədən çıxaraq dərəyə aşıb. Hadisə zamanı Quba rayonunun Zərdabi qəsəbə sakini, 2018-ci il təvəllüdlü Polad Şaban oğlu Poladov ölüb. Avtomobildə olan 4 qadın da müxtəlif dərəcəli bədən xəsarətləri alıblar.

Elnur Qədirova Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.

Gültən Qədirli