Kürdəmirdə avtomobil beton lövhəyə çırpıldı - FOTO

Kürdəmirdə yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax yolunun rayonun Qarabucaq kəndindən keçən hissəsində qeydə alınıb. Kürdəmir rayon sakini, 1971-ci il təvəllüdlü Soltanov Atif Əziz oğlu “VAZ-2109” markalı minik maşını ilə Kürdəmir istiqamətində hərəkətdə olarkən qəfil nəqliyyat vasitəsinə idarəetməni itirib. Nəticədə avtomobil yol kənarındakı beton lövhəyə çırpılıb. Hadisə zamanı xəsarət alan sürücü təcili tibbi yardım maşınının köməyi ilə Kürdəmir Rayon Mərkəzi Xəstəxanasının Travmatologiya şöbəsinə yerləşdirilib.

Fakt araşdırılır.