Kürdəmirdə "Mercedes" aşdı: sürücünün atasl ödü, anası xəsarət aldı - FOTO

Kürdəmirdə baş verən qəzada ölən və xəsarət alanların kimliyi bilinib.

Onlar bir ailənin üzvləri Ucar sakinləri ölən 52 yaşlı İbrahimov Şamil Sədiyar oğlu və xəsarət alan onun həyat yoldaşı 47 yaşlı İbrahimova Rəhilə Əsgər qızıdır.

***

Kürdəmirdə ağır yol qəzası baş verib, ölən və xəsarət alanlar var.

Hadisə Bakı-Qazax əsas magistral yolunun rayonun Atakişilli kəndindən keçən hissəsində qeydə alınıb.

Belə ki, "Mercedes" markalı minik maşınının sürücüsü, Ucar rayon sakini 21 yaşlı İbrahimov Taleh Şamil oğlu Bakı istiqamətində hərəkətdə olarkən qəfildən idarəetməni itirib və avtomobil yol kənarına aşıb.

Hadisə zamanı avtomobildə olan sürücünün atası dünyasını dəyişib, anası isə müxtəlif dərəcəli bədən xəsarətləri alaraq Kürdəmir Rayon Mərkəzi xəstəxanasına aparılıb.

Hazırda faktla bağlı araşdırma aparılır.(report)