“Lada” uşaq xokkey komandasını daşıyan “Hyundai”la toqquşdu: 1 ölü, 7 yaralı

Rusiyanın Kemerov əyalətində mikroavtobusun və minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, insident bu gün Biysk – Martınov – Novokuzneçk avtomagistralının 213-cü kilometrliyində qeydə alınıb. Bu barədə əyalət üzrə DİN Mətbuat xidməti məlumat verib.

Məlumata görə, adı açıqlanmayan sürücü idarə etdiyi “Lada Kalina” markalı minik avtomobillə hərəkətdə olarkən naməlum səbəblərdən yolun əks zolağına çıxıb və qarşıdan gələn, “Hyundai” markalı mikroavtobusla toqquşub.

Nəticədə “Lada”nın sürücüsü aldığı xəsarətlərdən hadisə yerində dünyasını dəyişib, “Hyundai”da olan 7 nəfər isə xəstəxanaya çatdırılıb.

Bildirilir ki, “Hyundai” markalı mikroavtobus Maqadandan olan uşaq xokkey komandasını daşıyırmış.

Faktla bağlı araşdırmalara başlanılıb.

Namiq Musayev