Lənkəranda avtomobil 54 yaşlı piyadanı vurub

Lənkəranda yol-nəqliyyat hadisəsi baş verib. Avtosfer.az xəbər verir ki, hadisə axşam saatlarında şəhərin Zərifə Əliyeva küçəsində qeydə alınıb. Belə ki, hərəkətdə olan nəqliyyat vasitəsi Lənkəran şəhər sakini, 1972-ci il təvəllüdlü Rəşad Valqəddin oğlu Qədirovu vurub. Müxtəlif dərəcəli xəsarətlər alan piyada hadisə yerinə çağırılan təcili tibbi yardım avtomobili ilə Lənkəran Rayon Mərkəzi Xəstəxanasının Təcili yardım şöbəsinə çatdırılıb. Həkimlər ona başın gicgah nahiyəsinin əzilmiş-didilmiş yarası diaqnozu qoyublar. Yaralının müalicəsi xəstəxanada davam etdirilir. Faktla bağlı araşdırma aparılır.