Lənkəranda avtomobil hasarı aşırdı - FOTO

Lənkəranda yaxın qohumlar yol qəzasına düşüb.

Hadisə Lənkəran-Boradigah yolunun Lənkəran rayonunun Viravul kəndi ərazisindən keçən hissəsində qeydə alınıb.

Lənkəran şəhər sakini, 1998-ci il təvəllüdlü Rəvan Rəşad oğlu Tağızadənin idarə etdiyi "Chevrolet" markalı 90-OA-661 dövlət qeydiyyat nişanlı avtomobil, Lənkəran istiqamətində hərəktdə olarkən Virulçayin üstündə yerləşən körpüdə idarəetməni itirərək, əvvəl dəmir çəpərə çırpılıb, sonra isə mişar dasindan hörülən hasarı aşıraraq Viravul kənd sakini Rasət Babayevə məxsus həyətə girib. Avtomobilin sürücüsü və sərnişin qismində olan Lənkəran şəhər sakini 1977-ci il təvəllüdlü Rəvanə Əbdüləziz qızı Tağıyeva müxtəlif dərəcəli bədən xəsarətləri alaraq Lənkəran rayon mərkəzi xəstəxanasına çatdırılıblar.

Ilkin ehtimala görə qəzanın baş verməsinə əlverişsiz hava şəraiti səbəb olub.

Faktla bağlı araşdırma aparılır. (apa)