Lənkəranda velosipedçini avtomobil vurub, vəziyyəti ağırdır - FOTO
Qəzalar
7 Fevral 2020 12:25
Oxunub 1020
Faktla bağlı araşdırma aparılır
Lənkəran rayonunda 50 yaşlı velosipedçini avtomobil vurub. Avtosfer.az-ın “Report”a istinadən məlumatına görə, hadisə rayonun Aşağı Nüvədi kəndi ərazisində baş verib. Belə ki, Ağcabədi rayon sakini, 1989-cu il təvəllüdlü Samir Şahsuvar oğlu Cavadov idarə etdiyi “Ford-Transit” markalı 99 ES 958 dövlət qeydiyyat nişanlı mikroavtobus yolda hərəkət edən velosipedçi - rayonun Gərmətük qəsəbə sakini, 1970-ci il təvəllüdlü Cəmil Əjdər oğlu Məmmədovu vurub.
Yaralı ətrafdakıların yardımı ilə Lənkəran Rayon Mərkəzi Xəstəxanasına çatdırılıb. Yaralıya sağ bazu sümüyünün yuxarı baş hissəsinin yerdəyişməyən sınığı, qapalı kəllə-beyin travması və sifət nahiyəsinin zədəsi olaraq ilkin diaqnoz qoyulub.
Faktla bağlı araşdırma aparılır.
ŞƏRH YAZ
DİGƏR XƏBƏRLƏR
