Lerik sakini yük avtomobilinin altında qalaraq öldü - YENİLƏNİB

Yanvarın 10-da saat 12 radələrində Lənkəran rayonunun Digah kənd sakini A.Bağırov idarə etdiyi "Hyundai" markalı yük avtomobilini Lerik rayonu ərazisində Piran-Hamarat yolunda geriyə hərəkət etdirərkən Piran kənd sakini Əliməmməd Məmmədovu vurub.

DİN-dən Avtosfer.az-a bildirilib ki, Ə.Məmmədov aldığı xəsarətlərdən yerləşdirildiyi Lənkəran Mərkəzi Rayon Xəstəxanasında ölüb. Faktla bağlı Lerik Rayon Polis Şöbəsində araşdırma aparılır.

***

Lerikdə ölümlə nətcələnən yol-nəqliyyat hadisəsi baş verib.

Hadisə axşam saatlarında Lənkəran-Lerik yolunda, Lerik rayonunun Piran kəndi ərazisində baş verib.

Yük avtomobili geri hərəkət edərkən Piran kənd sakini – 1959-cu il təvəllüdlü Əliməmməd Ayaz oğlu Məmmədovu vurub. 64 yaşlı kişi avtomobilin altında qalıb. O, ağır xəsarətlərlə Lənkəran Rayon Mərkəzi Xəstəxanasının travmatologiya şöbəsinə çatdırılıb. Həkimlərin səylərinə baxmayaraq, onun həyatını xilas etmək mümkün olmayıb. Meyit müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Faktla bağlı araşdırma aparılır. (apa)