“Lifan” elektrik dirəyinə çırpıldı: sərnişin dünyasını dəyişdi - Qusarda

Qusarda 1 nəfərin ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, aprelin 19-da saat 23 radələrində Qusar rayonunun Həsənqala kəndi ərazisində kənd sakini B.Mustafayev idarə etdiyi “NAZLifan” markalı avtomobili yolun kənarındakı elektrik dirəyinə vurub. Nəticədə avtomobildəki sərnişin - Balaqusar kənd sakini Taləddin Musayev hadisə yerində ölüb.

Qusar RPŞ tərəfindən araşdırma aparılır.

Namiq Musayev