42 avtomobil toqquşdu: 19 maşın yandı, 36 nəfər... - FOTO

Macarıstanda 5 yük və 37 minik avtomobilinin iştirakı ilə zəncirvari yol qəzası olub.

Avtosfer.az xəbər verir ki, Macarıstanın Baş Polis İdarəsinin məlumatına görə, hadisə ölkənin paytaxtı Budapeşt şəhəri yaxınlığındakı “M1” magistral yolunda baş verib.

İlkin məlumata görə, hadisə nəticəsində 19 avtomobil yanıb. Zəncirvari qəzada 36 nəfər yaralanıb ki, onlardan da 13-nün vəziyyəti ağırdır.

Macarıstan avtomagistral operator şirkətinin məlumatına görə, qəzaya səbəb toz fırtınasından görmə qabiliyyətinin zəifləməsi səbəb olub. 

Hadisə yerinə 4 xilasedici helikopter, həmçinin yaxınlıqdakı şəhərlərdən yanğınsöndürmə və xilasetmə qrupları cəlb olunub. Günün qalan hissəsində iki istiqamətdə nəqliyyatın hərəkəti dayandırılıb.