“MAN”la vurulan Tərtər sakini dünyasını dəyişib - Goranboyda

Goranboyda piyadanın ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, mayın 8-də saat 17 radələrində Goranboy rayonunun Goran qəsəbəsi ərazisində Gürcüstan vətəndaşı B.Giorgi idarə etdiyi “MAN” markalı avtomobillə yolu keçən Tərtər rayon sakini Şahnaz Baxşəliyevanı vurub. Qəza nəticədə piyada aldığı xəsarətlərdən hadisə yerində dünyasını dəyişib.

Baş İstintaq və Təhqiqat İdarəsi tərəfindən araşdırma aparılır.

Namiq Musayev