Masallıda piyadanın ölümü ilə nəticələnən avtoqəza baş verib

Masallıda 32 yaşlı kişini avtomobil vuraraq öldürüb.

APA-nın cənub bürosunun verdiyi məlumata görə, hadisə rayonun Boradigah qəsəbəsində qeydə alınıb.

"Mercedes" markalı avtomobilin vurduğu qəsəbə sakini, 1988-ci il təvəllüdlü Elnur Nəhmət oğlu Zülfüqarov ağır dərəcəli bədən xəsarətləri ilə xəstəxanaya aparılan zaman yolda dünyasını dəyişib.

Faktla bağlı araşdırma aparılır.