Masazırda avtomobillə vurulan piyadanın ayağı sınıb

Abşeron rayonunda 55 yaşlı kişini avtomobil vurub.

“Report”un məlumatına görə, hadisə Masazır qəsəbəsində qeydə alınıb.

Belə ki, 1967-ci il təvəllüdlü Quliyev Fikrət Şükür oğlu yolu keçərkən avtomobil onu vurub.

Yaralı təcili tibbi yardımın köməkliyilə xəstəxanaya çatdırılıb. Müayinə zamanı ona sağ baldır sümüyünün sınığı diaqnozu qoyulub.

Fakt araşdırılır.