Mekiskada qatar avtomobilə çırpıldı: 3 nəfər öldü

Mekiskada qatarın və nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə ötən gün ölkənin şimal-şərqində yerləşən Nuevo-Leon ştatında qeydə alınıb. Bu barədə “Televisa” telekanalı məlumat yayıb.

Telekanalın məlumatına görə, sürücü idarə etdiyi avtomobillə hərəkətə olan lokomotivin qarşısından keçmək istəyib. Lakin, sürücü dəmir yol keçidindən keçməyə vaxtı çatmayıb və yük qatarı sürətlə maşına çırpılıb. Zərbənin təsirindən qatar avtomobili təxminən 200 metr məsafəyə qədər sürüyüb. Nəticədə 3 nəfər hadisə yerində dünyasını dəyişib. Onların hamısı bir ailənin üzvləri olublar.

Faktla bağlı araşdırmalara başlanılıb.

Namiq Musayev