Meksikada avtobus qəzası: 17 nəfər öldü

Meksikanın mərkəzindəki Puebla ştatında avtobusun qəzaya uğraması nəticəsində azı 17 nəfər ölüb.

"Report" xarici KİV-ə istinadən xəbər verir ki, avtobusda Kolumbiya və Venesueladan olan 45 qanunsuz miqrant olub.

Hadisə nəticəsində 15 nəfər yerində keçinib, daha 2 nəfər xəstəxanada dünyasını dəyişib.

Qəza zamanı xəsarət alan 13 nəfərdən 5-nin vəziyyəti ağır qiymətləndirilir.