Məktəbli avtobusu su anbarına düşdü; 21 ölü, 15 yaralı - FOTO + VİDEO

Çində məktəbli avtobusunun iştirakı ilə ağır yol qəzası baş verib. Avtosfer.az xəbər verir ki, hadisə iyulun 7-də Quyçjou əyalətinin cənub-qərbində qeydə alınıb. Bu barədə “Quyçjou Jibao” nəşri məlumat yayıb.

Nəşrin məlumatına görə, hələlik məlum olmayan səbəblərdən, içərisində əksəriyyəti şagirdlərin olduğu məktəbli avtobusu, Anışun şəhəri ərazisində körpünün üzərində hərəkətdə olan zaman sürücünün idarəetməsindən çıxaraq məhəccərləri qıraraq su anbarına düşüb. Qəza nəticəsində 21 nəfər həlak olub, daha 15-i isə hadisə yerinə çağırılan təcili tibbi yardım briqadasının köməkliyi ilə şəhər xəstəxanasına yerləşdiriliblər.  

Bildirilir ki, avtobusdakı şagirdlər bu gün keçirilən imtahandan qayıdırlarmış.

Digər təfərrüatlar barədə məlumat verilmir. Hazırda qəzanın baş vermə səbəbləri araşdırılır.

Namiq Musayev