“Mercedes” aşdı: 1 ölü, 1 yaralı - Ağcabədidə

Ağcabədi rayonunda 1 nəfərin ölümü, 1 nəfərin də xəsarət alması ilə nəticələnən yol-nəqliyyat hadisəsi baş verib. DİN-nin Mətbuat xidmətindən Avtosfer.az-a verilən məlumata görə, fevralın 4-də saat 11 radələrində Ağcabədi rayonunun Boyat kəndi ərazisində Ağdam rayon sakini Ş.Əliyev idarə etdiyi “Mercedes” markalı avtomobili aşırıb.

Nəticədə sürücü və sərnişini olan oğlu Nəcməddin xəstəxanaya yerləşdirilib. Nəcməddin həkimlərin bütün səylərinə baxmayaraq o, orada dünyasını dəyişib.

Faktla bağlı Ağcabədi RPŞ tərəfindən araşdırma aparılır.

Namiq Musayev