Mərdəkanda “Maserati” işıq dirəyinə çırpılıb yolun əks tərəfinə düşdü - VİDEO

Paytaxtın Xəzər rayonu Mərdəkan qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 5-də gecə saatlarında qeydə alınıb. Hərəkətdə olan “Maserati Ghibli” markalı maşın qəzaya düşüb. Şahidlərin iddiasına əsasən, qəzaya səbəb yüksək sürət həddi olub. Belə ki, idarəetmədən çıxan maşın işıq dirəyinə çırpılıb və zərbənin təsirindən əks istiqamətli yola düşüb. Nəticədə avtomobil tamamilə sıradan çıxıb, sürücü müxtəlif dərəcəli bədən xəsarətləri alıb. Xoşbəxtlikdən hadisə zamanı yaxınlıqda maşın olmayıb.

Qeyd edək ki, faktla bağlı araşdırma davam edir. 

Nərmin