Məşhur aktyor ağır qəza törətdi - ANBAAN VİDEO

Məşhur rusiyalı aktyor Mixail Yefremov idarə etdiyi avtomobillə Moskva şəhərinin Smolenskaya meydanında ağır qəza törədib.

“RİA Novosti” xəbər verir ki, bu barədə Rusiya Daxili İşlər Nazirliyinin Moskva Şəhər Baş İdarəsindən məlumat verilib.

Aktyorun sükanı arxasında olduğu “Jeep Grand Cherokee” markalı avtomobil qarşı yola çıxaraq, “Lada” markalı maşınla toqquşub.

Qəza nəticəsində “Lada”nın sürücüsü ağır yaralanıb.

Hüquq-mühafizə orqanlarının əməkdaşları Mixail Yefremovu saxlayıb. Ekspertiza nəticəsində tanınmış aktyorun içkili vəziyyətdə olduğu müəyyənləşdirilib.

Aktyora qarşı cinayət işi açılıb.

Məhkəmədə M.Yefremovun günahı sübut olunarsa, onu yeddi ilə qədər həbs həyatı gözləyir.