Məşhur ispan velosipedçi yük maşınının altında qalaraq öldü

Velosiped idmanı ilə məşğul olan 19 yaşlı Estela Dominqes faciəvi qəza nəticəsində dünyasını dəyişib. AzVision.az xəbər verir ki, bu barədə "Marca" qəzeti məlumat yayıb.

Qeyd olunur ki, faciə cümə axşamı günorta saatlarında Salamanka şəhərində baş verib. İdmançı növbəti məşq yürüşünə çıxan zaman yük maşınının altında qalıb. Hadisə yerinə gələn həkim briqadası onun həyatını xilas edə bilməyib.

Versiyalardan birinə görə, yük maşınının sürücüsü gözünə günəş işığı düşdüyü üçün yolun kənarında olan velosipedçini fərq edə bilməyib.
Bu il Dominqes Velokross üzrə dünya çempionatında iştirak edibmiş.
O, 90-cı illərdə yarışmış keçmiş ispaniyalı velosipedçi Xuan Karlos Dominqezin qızıdır.