Mikroavtobus beton dirəyə çırpıldı: 4 nəfər xəsarət aldı - FOTO

Rusiyada mikroavtobusun iştirakı ilə yol-nəqliyyat hadisəsi baş verib. Avtosfer.az xəbər verir ki, insident martın 20-də səhər saatlarında Omsk əyalətində qeydə alınıb. Bu barədə Daxili İşlər Nazirliyinin Regional üzrə İdarəsinin Mətbuat Xidmətindən məlumat verilib.

Məlumata görə, 33 yaşlı sürücünün idarə etdiyi “QAZel” markalı mikroavtobus, hərəkətdə olarkən idarəetmədən çıxıb və yol kənarındakı betondan olan işıq dirəyinə çırpılıb. 

Zərbənin təsirindən “QAZel”in ön hissəsi deformasiyaya uğrayıb.

Nəticədə sürücü və daha 3 nəfər müxtəlif dərəcəli bədən xəsarətləri ilə xəstəxanaya çatdırılıb.

Bildirilir ki, mikroavtobus 353 saylı marşrut üzrə hərəkət edib. Qəza zamanı salonda 6 sərnişin olub.

Hazırda baş verən hadisənin səbəbləri araşdırılır.

Namiq Musayev