Mikroavtobus minik avtomobili ilə toqquşdu: 3 ölü, 5 yaralı - FOTO

Yakutiyada mikroavtobusla və minik avtomobilinin iştirakı ilə ağır yol-nqəliyyat hadisəsi baş verib. Avtosfer.az xəbər verir ki, insident fevralın 13-də “Kolıma” federal avtomagistralının 47-ci kilometrliyində qeydə alınıb. Bu barədə “TASS” agentliyi məlumat yayıb.

Məlumata görə, Tattinsk rayonu istiqamətində hərəkətdə olan və içərisində 6 nəfərin olduğu “Toyota Hiace” markalı mikroavtobus, əks zolaqdan gələn “Nissan Qashqai” markalı minik avtomobillə toqquşub.

Nəticədə 3 nəfər dünyasını dəyişib, daha 5-i isə xəsarət alıb. Yaralılar təcili tibbi yadrım briqadasının köməkliyi ilə xəstəxanaya çatdırılıb.

Polis qəzanın baş vermə səbəblərini araşdırır.

Namiq Musayev