Mingəçevirdə iki avtomobil toqquşub, 3 nəfər xəsarət alıb

Mingəçevirdə yol nəqliyyat hadisəsi baş verib.

Avtosfer.az APA-nın Mingəçevir bürosuna istinadən məlumatına görə, hadisə şəhərin Təbriz küçəsi ilə Naxçıvan küçəsini birləşdirən nəqliyyat körpüsündə qeydə alınıb.  İki avtomobilin toqquşması nəticəsində 3 nəfər xəsarət alıb. Müxtəlif bədən xəsarətləri almış iki kişi və bir qadın xəstəxanaya çatdırılıb.

Yaşlılardan biri maşında sıxılmış vəziyyətdə qaldığından onu FHN-nin xilasetmə qrupu maşından çıxarıb.

Faktla bağlı araşdırma aparılır.

Gültən