Minik avtomobili ağaca çırpıldı: 2 ölü, 1 yaralı - FOTO

Türkiyənin Aksaray vilayətində minik avtomobilinin iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident Paşacık məhəlləsində qeydə alınıb. Məlumata görə, Makas qovşağı istiqamətində hərəkətdə olan 68 EH 644 qeydiyyat nömrə nişanlı minik maşını, naməlum səbəblərdən sürücünün idarəetməsindən çıxaraq yol kənarındakı ağaca çırpılıb. Zərbənin təsirindən ağac yerindən çıxıb, avtomobil isə deformasiyaya uğrayıb.

Nəticədə 2 nəfər ölüb, 1 nəfər isə xəsarət alıb. Yaralılar, hadisə yerinə çağırılan ambulansın köməkliyi ilə xəstəxanaya çatdırılıb. Həkimlər onun səhhətinin ağır olduğunu bildiriliblər.

Faktla bağlı araşdırmalara başlanılıb.

Namiq Musayev