Miqrantların olduğu avtomobil aşdı: 8 nəfər xəsarət alıb - FOTO

Türkiyənin Ədirnə vilayətində miqrantların olduğu avtomobil qəzaya uğrayıb. Avtosfer.az yerli KİV-ə istinadən xəbər verir ki, insident Çalıköy – Uzunkörpü şosesinin Dördyol qovşağında qeydə alınıb.

Məlumata görə, qeyri-qanuni yolla Yunanıstana keçmək istəyən Pakistan əsilli miqrantların olduğu minik maşını, naməlum səbəblərdən sürücünün idarəetməsindən çıxaraq yol kənarına aşıb. Nəticədə 8 nəfər xəsarət alıb. Yaralılar, təcili tibbi yardım briqadasının köməkliyi ilə

Keşan Dövlət Xəstəxanasına çatdırılıblar.

Hadisə yerinə polis və xilasetmə xidmətinin əməkdaşları cəlb edilib.

Namiq Musayev