Misirdə iki sərnişin qatarı toqquşdu: azı 13 yaralı

Misirdə iki sərnişin qatarının iştirakı ilə qəza baş verib. Avtosfer.az xəbər verir ki, insident ötən gün paytaxt Qahirənin “Ramzes” və “İmbaba” stansiyaları arasında qeydə alınıb. Bu barədə “Əl-Ərəbiyə” telekanalı məlumat yayıb.

Bildirilir ki, qatarlardan biri stansiyanın girişində digər qatarla toqquşub. Qəza zamanı bir neçə vaqon da relsdən çıxıb.

İlkin məlumatlara görə, hadisə nəticəsində azı 13 nəfər xəsarət alıb.

Yaralılar, ambulansların köməkliyi ilə ərazidə yerləşən xəstəxanalara çatdırılıblar.

Digər təfərrüatlar barədə məlumat verilmir.

Namiq Musayev