Naxçıvanda yol qəzası - Bir nəfər yaralandı - FOTO

Naxçıvan Muxtar Respublikasının Culfa şəhərinin girişində yol-nəqliyyat hadisəsi baş verib

Avtosfer.az xəbər verir ki, “Mitsubishi” markalı 72-BB-966 dövlət nömrə nişanlı avtomobil ötmə əməliyyatını yanlış yerinə yetirdiyi üçün qəza törədib. Nəqliyyat vasitəsi Naxçıvan şəhəri istiqamətində hərəkət edən 68-BX-144 dövlət nömrə nişanlı avtomobilə çırpılıb. Nəticədə “Ravon” markalı avtomobil dərəyə yuvarlanıb.

Xoşbəxtlikdən hadisə zamanı ölən olmayıb. Yüngül xəsarətlər alan “Mitsubishi”nin sürücüsü Əsgərli İbrahim Fəxri oğlu xəstəxanaya yerləşdirilib.

Faktla bağlı araşdırma aparılır.