Neftçalada inək qəzaya səbəb oldu, xəsarət alan var

Neftçalada yol-nəqliyyat hadisəsi baş verib.

Avtosfer.az “Report”un Aran bürosuna istinadən məlumatına görə, hadisə Salyan-Neftçala avtomobil yolunun rayonun Qaravəlli kəndi ərazisindən keçən hissəsində qeydə alınıb.

Rayonun Mayak kənd sakini Famil Həsənov idarə etdiyi “Mercedes” markalı avtomobillə hərəkətdə olarkən qəfil yola inək çıxıb. Bu zaman avtomobil heyvanı vurub. Nəticədə inək ölüb, sürücü isə yüngül xəsarət alıb.

Gültən