Nigeriyada qayığın batması nəticəsində ölənlərin sayı 42-yə çatıb

Noyabrın 30-da Nigeriyanın Kano əyalətində sərnişin gəmisinin batması nəticəsində həyatını itirənlərin sayı 42-yə yüksəlib.

"Unikal" xəbər verir  ki, Kano əyalət polisinin sözçüsü Abdullahi Kiyava verdiyi açıqlamada qayığın Bagvay çayında batmasından sonra davam edən axtarış-xilasetmə işləri zamanı daha 13 nəfərin cəsədinin tapıldığını bildirib.

Bununla da qəzada həyatını itirənlərin sayı 42-yə yüksəlib.

Kano əyalətində baş verən qayıq qəzasından sonra əyalətdəki çaylarda ticarət gəmilərinin daşınması müvəqqəti olaraq dayandırılıb. Bildirək ki, Nigeriyada yağışlı mövsümdə çaylarda vaxtaşırı qayıq qəzaları baş verir.