Oğuzda iki maşın toqquşub, 5 nəfər xəsarət alıb - ADLAR - FOTO

Oğuz rayonunda beş nəfərin xəsarət alması ilə nəticələnən yol-nəqliyyat hadisəsi baş verib.

"Report"un Şimal-qərb bürosunun məlumatına görə, hadisə Qaraməryəm-İsmayıllı-Şəki avtomobil yolunun Oğuz rayonun Padar kəndi ərazisindən keçən hissəsində qeydə alınıb.

Belə ki, "Wolksvagen" və "Opel" markalı avtomobillər toqquşub, nəticədə hər iki nəqliyyat vasitəsində olan 5 nəfər xəsarət alıblar.

Qəza zamanı "Opel"in sürücüsü avtomobildə sıxılmış vəziyyətdə qaldığından əraziyə Fövqaladə Hallar Nazirliyinin (FHN) Xüsusi Riskli Xilasetmə dəstəsi cəlb olunub.

Qəza zamanı Qönçə Aydınlı, Rahib Aydınov, Nüşabə Cəfərli və Yağmur Cəfərli müxtəlif dərəcəli xəsarətlərlə Oğuz Rayon Mərkəzi Xəstəxanasına yerləşdiriliblər.

Hadisə nəticəsində vəziyyəti daha ağır olan bir nəfər isə Şəki Rayon Mərkəzi Xəstəxanasına yerləşdirilib.

Faktla bağlı araşdırma aparılır.