Oğuzda maşın aşdı, bir ailənin dörd üzvü... - FOTO

Oğuz rayonunda avtomobil aşıb, xəsarət alanlar var.

Hadisə Qaraməryəm-İsmayıllı-Şəki magistral yolunun rayonun Sincan kəndi ərazisindən keçən hissəsində qeydə alınıb.

Belə ki, “Mercedes-Benz” markalı avtomobil idarəetmədən çıxaraq, yolun kənarında yerləşən fındıq bağına aşıb. Nəticədə 4 nəfər müxtəlif dərəcəli bədən xəsarətləri alıb.

Yaralılar Oğuz Rayon Mərkəzi Xəstəxanasına yerləşdiriliblər.

İlkin məlumata görə, xəsarət alanlar bir ailənin üzvləridir.

Faktla bağlı araşdırma aparılır. (report)