Oğuzda qəza oldu, xəsarət alanlar var

Oğuz rayonunda xəsarətlə nəticələnən yol qəzası baş verib.

Avtosfer.az-ın "Report"un Şimal-qərb bürosuna istinadən məlumatına görə, hadisə günorta saatlarında İsmayıllı-Qaraməryəm-Şəki yolunun rayonun Bucaq kəndi ərazisində keçən hissəsində qeydə alınıb.

Belə ki, "Changan" və "UAZ" markalı minik avtomobillərinin toqquşması nəticəsində 2 nəfər xəsarət alıb. Yaralılardan birinə hadisə yerində tibbi yardım göstərilib, digər şəxs isə Oğuz Rayon Mərkəzi Xəstəxanasına çatdırılıb.

Faktla bağlı araşdırma aparılır.

Gültən