Ötən il uşaqların olduğu yol qəzalarının sayı açıqlanıb

Bakıda ötən il 16 yaşına qədər uşaqların olduğu 28 yol-nəqliyyat hadisə baş verib.

Bu barədə Avtosfer.az-ın sorğusuna cavab olaraq Bakı şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli məlumat verib.

O bildirib ki, bu qəzalarda 9 nəfər ölüb, 21 xəsarət alıb: "Qəzalarda dünyasını dəyişən 9 nəfərdən 7-si piyada kimi, 2-i isə sərnişin qismində olarkən qəzada ölüb".