Pakistanda mikroavtobus çaya aşdı: azı 20 ölü, 5 yaralı - FOTO

Pakistanın şimalında mikroavtobusun iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident bu gün Qilqit-Baltista əyalətinin Skardu şəhərində qeydə alınıb. Bu barədə “Sinxua” agentliyi məlumat yayıb.

Agentliyin məlumatına görə, sərnişinlərin olduğu mikroavtobus dağ yolunda hərəkətdə olan zaman naməlum səbəblərdən sürücünün idarəetməsindən çıxaraq hündürlükdən çaya aşıb. Nəticədə azı 20 nəfər ölüb, daha 5-i isə ağır xəsarətlər alıb. Yaralılar, ambulansların köməkliyi ilə yaxınlıqdakı xəstəxanaya çatdırılıblar.

Hadisənin hansı səbəbdən baş verdiyi araşdırılır.

Namiq Musayev