Paytaxtda iki avtomobil toqquşdu - Ərazidə tıxac yarandı - FOTO

Bakıda yol-nəqliyyat hadisəsi baş verib. Avtosfer.az-ın "Unikal"a istinadən məlumatına  görə, qəza Koroğlu Rəhimiv küçəsində qeydə alınıb. Belə ki, "Opel Astra" markalı avtomobil "Toyota Camry" ilə toqquşub. Qəza nəticəsində xəsarət alan olmasa da, hər iki nəqliyyat vasitəsinə ciddi maddi ziyan dəyib. Hadisə səbəbindən ərazidə nəqliyyatın hərəkəti çətinləşib və yolda tıxac yaranıb. Faktla bağlı müvafiq qurumlar tərəfindən araşdırma aparılır.