“PAZ” betondan olan işıq dirəyinə çırpıldı: 8 sərnişin xəsarət aldı - FOTO

Rusiyanın Sankt-Peterburq şəhərində sərnişin avtobusunun qəzaya uğraması nəticəsində 8 nəfər xəsarət alıb. Avtosfer.az xəbər verir ki, insident bu gün saat 10 radələrində Primorski rayonunun Savuşkina küçəsində qeydə alınıb. Bu barədə “RİA Novosti” agentliyi məlumat yayıb.

Məlumata görə, “K-210” saylı marşrut üzrə hərəkət edən, 66 yaşlı sürücünün idarə etdiyi “PAZ” markalı sərnişin avtobus, hərəkətdə olarkən naməlum səbəblərdən idarəetmədən çıxaraq betondan olan işıq dirəyinə çırpılıb.

Qəzada müxtəlif dərəcəli bədən xəsarətləri alan 8 yaralı, təcili tibbi yardım briqada əməkdaşlarının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev