“Peugeot” reys avtobusu ilə toqquşdu: 7 nəfər xəsarət aldı - FOTO

Buryatiya Respublikasında avtobusun və minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, insident Pribaykalsk rayonu ərazisində qeydə alınıb. Bu barədə “TASS” agentliyi məlumat yayıb.

Məlumata görə, “Peugeot” markalı minik avtomobili, ötmə əməliyyatı yerinə yetirən zaman yolun əks istiqamətinə çıxıb və qarşıdan gələn “Hyundai County” markalı reys avtobusu ilə toqquşub. Nəticədə 7 nəfər xəsarət alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Polis faktla bağlı araşdırmalara başlayıb.

Namiq Musayev