Polis maşını “taksi” ilə toqquşaraq aşdı: 21 yaşlı sərnişin xəsarət aldı - FOTO

Rusiyanın Moskva şəhərində polis maşınının və “taksi”nin iştirakı ilə yol-nəqliyyat hadisəsi baş verib. Avtosfer.az xəbər verir ki, insident aprelin 4-də gecə saatlarında Varşava şosesində qeydə alınıb. Bu barədə “TASS” agentliyi məlumat yayıb.

Məlumata görə, eyni istiqamətdə hərəkətdə olan “UAZ” və “taksi” toqquşub. Zərbənin təsirindən polisin xidməti maşını arxası üstə aşıb, “taksi” isə sürücünün idarəetməsindən çıxaraq başqa bir avtomobilə çırpılıb.

Nəticədə “taksi”nin 21 yaşlı kişi sərnişini xəsarətlər alıb. Yaralı, təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırmalara başlanılıb.

Namiq Musayev