Polis vertolyotu qəzaya uğradı; 1 ölü, 1 yaralı

ABŞ-ın Texas ştatında polis vertolyotu qəzaya uğrayıb. Avtosfer.az xəbər verir ki, hadisə mayın 2-də gecə saatlarında Hyuston şəhərinin şimal hissəsində qeydə alınıb. Bu barədə şəhərin polis rəisi Art Asevedo məlumat verib.

Art Asevedonun sözlərinə əsasən, hüquq müdafiəçiləri bir neçə cəsədin aşkarlanması barədə daxil olan məlumatı yoxlamaq üçün uçublar. Vertolyot çox mənzili kompleksin yaxınlığında yerə düşüb. “Biz hələlik bilmirik ki, o niyə düşüb” – Asevedo qeyd edib.

Onun bildirdiyinə görə, hadisə nəticəsində 1 nəfər aldığı xəsarətlərdən hadisə yerində dünyasını dəyişib, daha biri isə xəstəxanaya yerləşdirilib.

Vertolyotun qəzaya uğradığı ərazidə başqa kiminsə ölüb və yaxud yaralanması barədə məlumat daxil olmayıb.

Namiq Musayev