Polislər ağır qəzaya düşdü: 1 ölü 1 yaralı - FOTO

Rusiyanın Leninqrad əyalətində seçkiyə gedən polis əməkdaşları ağır yol qəzasına düşüblər.

Avtosfer.az yerli KİV-ə istinadən xəbər verir ki, hadisə martın 16-da səhər saatlarında Volosovski rayonu ərazisində qeydə alınıb.

Məlumata görə, seçki məntəqəsinin açılışına gedən polis kiçik leytenantının idarə etdiyi “Lada Granta” markalı minik avtomobili yolun sürüşkən olması səbəbindən sükan idarəetməsini itirib və hərəkətin əks istiqamətinə çıxaraq qarşıdan gələn “Scania” markalı yük maşını ilə toqquşub. Zərbənin təsirindən minik avtomobili deformasiyaya uğrayıb.

Qəza nəticəsində 25 yaşlı polis məmuru hadisə yerində ölüb, həmkarı 34 yaşlı polis mayoru qadın isə xəstəxanaya çatdırılıb.

Hadisə ilə bağlı cinayət işi başlanılıb.

Namiq Musayev