“Priora” traktorla toqquşdu: 5 nəfər xəsarət aldı - FOTO

Tatarıstanda minik avtomobilinin və traktorun iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident Arsko və Atninsk rayonlarını birləşdirən şosedə qeydə alınıb.

Məlumata görə, yüksək sürətlə idarə olunan “Lada Priora” markalı minik avtomobillə qoşqulu traktor toqquşub. Zərbənin şiddətindən minik avtomobili deformasiyaya uğrayıb, traktor isə yol kənarına aşıb.

Nəticədə “Priora”dakı 2-si uşaq olmaqla 4 nəfər və traktorun sürücüsü müxtəlif dərəcəli bədən xəsarətləri alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev