Prospektdə təkəri nasaz olan yük maşını aşdı, yolda sıxlıq yarandı - FOTO

Bakının Nərimanov rayonu, Ziya Bünyadov prospektində yol-nəqliyyat hadisəsi baş verib. Məhəmməd Həsənov idarə etdiyi “Ford” markalı yük maşını ilə yüksək sürətlə tuneldə hərəkətdə olarkən avtomobili aşırıb. Nəticədə prospektin Koroğlu metrosuna gedən istiqamətində sıxlıq yaranıb.

Avtosfer.az xəbər verir ki, sürücünün APA-ya verdiyi məlumata görə, o, yük avtomobili ilə meyvə daşıyırmış.  

Dediyinə görə, maşının təkərləri nasaz olduğu üçün qəza baş verib.