Qaxda minik avtomobilləri toqquşub, yaralılar var - YENİLƏNİB

Qaxda baş verən yol-nəqliyyat hadisəsi zamanı yaralanan şəxslərin vəziyyəti açıqlanıb.

Avtosfer.az xəbər verir ki, bu barədə Oxu.Az-ın sorğusuna cavab olaraq Qax Rayon Mərkəzi Xəstəxanasından bildirilib:

Qeyd olunub ki, fevralın 1-də, saat 12:45-də Qax rayonunda baş verən yol-nəqliyyat hadisəsi səbəbilə xəsarət alan iki nəfər (kişi) Qax Rayon Mərkəzi Xəstəxanasına hospitalizasiya olunub.

"Onlara bədənin müxtəlif nahiyələrinin çoxsaylı travması diaqnozu təyin edilib. Onlardan 1994-cü il təvəllüdlü şəxsə zəruri tibbi yardım göstərilib və ambulator müalicə üçün evə buraxılıb. 1961-ci il təvəllüdlü şəxsin isə müalicəsi Cərrahiyyə şöbəsində davam etdirilir. Vəziyyəti kafi olaraq qiymətləndirilir", - məlumatda deyilir.

***14:57

Qaxda minik avtomobilləri toqquşub, xəsarət alanlar var.

Avtosfer.az-ın APA-ya istinadən məlumatına görə, hadisə Qax-Zaqatala avtomobil yolunun Qax rayonu Ləkit kəndi ərazisindən keçən hissəində baş verib. İlkin məlumata görə, hərəkətdə olan iki avtomobil toqquşub.

Qəza zamanı avtomobillərin birində olan Sumqayıt şəhər sakinləri olan qaynata və gəlin müxtəlif dərəcəli bədən xəsarətləri alıblar. Yaralılar Qax Rayon Mərkəzi Xəstəxanasına (RMX) yerləşdirliblər. Hazırda yaralıların müayinəsi aparılır.

Qəza zamanı xəsarət alan şəxslərin Zaqatalaya qonaq getdikləri bildirilir.

Faktla bağlı araşdırma aparılır.