“QAZ-13”lə adam vurub qaçan sürücü saxlanılıb - Saatlıda

Saatlıda yol qəzası törədərək hadisə yerindən yayınan sürücü yaxalanıb. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, fevralın 25-nə keçən gecə Saatlı rayonunun Çolpı kəndi ərazisində müəyyən edilməmiş avtomobillə kənd sakini N.Ağayev vurulmuş və o, xəstəxanaya yerləşdirilib.

Saatlı RPŞ əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yol qəzasını törədərək hadisə yerindən yayınmaqda şübhəli bilinən “QAZ-32213” markalı avtomobilin sürücüsü X.Qasımov saxlanılıb.

Araşdırma aparılır.

Namiq Musayev