Qaz xətti çəkmək istəyirdilər, su xəttini zədələdilər

Bakının Suraxanı rayonunun Hövsan qəsəbəsində qaz xətti çəkən şirkət ərazini içməli su ilə təmin edən magistral su xəttini zədələyib.

Avtosfer.az xəbər verir ki, bu barədə "Report"a "Azərsu" ASC-dən bildirilib. 

Məlumata görə, hadisə nəticəsində Hövsan qəsəbəsinin bir hissəsinə (əsasən kənd Hövsan) içməli suyun verilməsi dayandırılıb. 

Hazırda qəza xidməti təmir işləri aparır. Təmir işləri başa çatdıqdan sonra suyun verilişi bərpa olunacaq.