Qazaxda minik maşını at-arabası ilə toqquşub, xəsarət alanlar var

Qazaxda yol nəqliyyat hadisəsi baş verib. Hadisə Bakı-Qazax magistral yolunun rayonun ərazisindən keçən hissəsində qeydə alınıb. Hərəkətə olan “VAZ” markalı minik maşını at-arabası ilə toqquşub. Qəza zamanı 1964-cü il təvəllüdlü Mahir Kosayev və daha 2 nəfər xəsarət alaraq xəstəxanaya yerləşdirilib. Yaralıların vəziyyətinin kafi olduğu bildirilir.  Hadisə yerinə DYP əməkdaşları və təcilli tibbi yardım briqadası cəlb olunub.

Faktla bağlı araşdırma aparılır.  (APA)